شرح موقع ريموتاسكس للربح من الانترنت

فرصة عمل على موقع جديد في مجال ادخال البيانات ... بشكل جديد .. و ارباح جيدة للي ناوي يتعب..

لو لقيت ان الموضوع فيه خير, اعمل شير و منشن للي ممكن يستفيد من موقع زي ده.. و ماتوقفش الخير عندك

الموقع مش نصاب, انا جربته بنفسي قبل ما انشر البوست, و الدفع اسبوعي.
لكن طبعاً الموقع مش بيوزع فلوس, هيكون مطلوب منك شغل, هتعمله هتقبض.. ولو بقيت محترف و ملتزم بمعايير الجودة, مجهودة هيتقدر بقيمة سعرية اكبر.
------------------------------
فئة الموقع = ادخال بيانات
مهارات سابقة مطلوبة = لا يوجد
مستوى اللغة الانجليزية المطلوب = متوسط فما اعلى ... الانجليزي اساسي جداً ممكن تستعين بترجمة جوجل .. لكن هيبقى فيها تحديات لان الموقع فيه مصلحات اكثر منه مهرات لغوية
وسيلة الدفع = PayPal اللي معندوش حساب باييبال يقدر يفتح حساب و يبقى يسحب الفلوس على فيزا اي بنك من بايبال.
متوسط الدخل المتوقع = حسب مجهودك ممكن 10 دولار اسبوعيا لحد 200 دولار اسبوعياً
مستوى صعوبة المهام =  في سهل و في صعب .. و طبعاً الصعب قيمته السعرية اعلى
------------------------------
شرح الموقع :
الفكرة ببساطة ان الموقع ده بيوفر مهمات الاعضاء يعملوها و يدفعلهم مقابل شغلهم على حسب الوقت المبذول و الخبرة المكتسبة.
الاعضاء بيقوموا بادخال و تغذية بيانات او تصنيف داتا او وضع علامات او اشارات على صور او فيديو .
الموقع بيبقى وسيط.. يعني في شركات تانية هي اللي بتفدفع للموقع عشان يلم الداتا و الموقع بدوره بيجهز المهمات و يدفع للاعضاء.
عشان الموقع وسيط .. فنوعيات المهمات المطلوبة بتختلف .. ممكن يطلب منك تصنيف منتجات او كتابة اسعار او عمل بحث عن حاجة على الانترنت.
لكن الفئة الاحدث و اللي هي السبب في ان الموقع بقى بيدفع عوائد مادية جيدة هي التالي:
عارف السيارات ذاتية القيادة/ العربيات اللي بتمشي بدون سواق اللي شفناها في اليابان و اللي بتختبرها مرسيدس و بي ام و غيرها من الشركات الكبيرة ؟
الكميوتر اللي بيشغل العربيات دي بيحتاج كم كبير جدا من البيانات عشان يقدر يتعرف على الاجسام اللي بيشوفها اثناء تحرك السيارة.
الكبيوتر ده لازم يقدر يتعرف على السيارات المتحركة و السارات اللي راكنة و اسيارات اللي ماشية عكس الاتجاه .. لازم كمان يقدر يتعرف على الاشارات المرورية و العلامات الارشادية .. و يتعرف على الاشخاص اللي ماشية على رجليها و الاشخاص اللي راكبه عجل .. وهكذا.
مين بقى اللي هيغذيه بالبيانات دي ؟
صح .. انت و اعضاء الموقع ده هتكون دي مهمتكم.
يعني كمثال على مهمة من مهمات الموقع .. هيجيلك صورة متاخذة من كامية مراقبة مرورية .. و انت هيبقى مطلوب منك ترسم مربع حول كس سيارة في الصورة .. و المربع ده لازم يبقى مرسوم حول حدود السيارة بالظبط.
وبعدين هتصنف المركبة دي هل هي سيارة عادية او شاحنة او باص .. او او.
كل ده هيتم بعد ما هما هيعلومك كل حاجة و يدولك فرص لانهائية للتجربة و التمرن عشان توصل لمستوى جيد قبل ما تبدا تطلب مهمات مدفوعة.
الموقع بقى هياخد البيانات اللي انت دخلتها انت و باقي الاعضاء و يتم تغذيتها في برنامج القيادة الذاتية اللي هيستخدم البيانات دي في التعرف على الاجسام اللي بيقابلها اثناء القيادة.
------------------------------
خطوات الاشتراك:
1- ادخل على رابط الموقع http://bit.ly/2EglaoL
2- اعمل حساب في الموقع عن طريق ربط حساب الفيسبوك
3- هيطلب منك تحقيق شخصية باستخدام رقم تليفون, دخل رقم تليفونك و هيجيلك رسالة على موبايلك فيها كود .. اكتب الكود في الموقع .. و بكده تبقى انتهيت من انشاء الحساب
4- هتلاقي قسم اسمه University هتدخل عليه
5- هتلاقي مجموعة كورسات- كل كورس بيشرع مهارة معينة لازم تتعلمها عشان تبدأ شغل.
كل كورس في مجموعة من الدروس
6- كل درس عبارة ملف فيه ارشادات و شرح بالانجليزي طبعاً.. هتقراه كويس
7- بعد كده كل درس هتلاقي معاه امتحان في اللي انت قريته في الملف
8- هتجاوب الاسئلة صح, هتعدي و هتفتح الدرس اللي بعده
9- لو ما عرفتش تعدي مش مشكلة - لا يوجد حدود لعدد المحاولات
10- بعد ما تخلص الحد الأدنى من الدروس في اي كورس - هتبدأ تظهرلك المهام Tasks المطلوبة في هذا الكورس.
11- كل ما تتعلم دروس اكثر في اي كورس. مستواك هيزيد و اجرك هيزيد.
12- عشان تبدأ شغل هتلاقي في حسابك زرار اسمه Lunch your task  queue
13- هتبتدي تظهرلك مهمات من نفس فئة الكورسات اللي خلصتها.
14- نفذ المهمات المطلوبة منك.. وكل مهمة هتخلصها هتضاف في قائمة الانتظار للمراجعة.
15- بعد المراجعة و التاكد من جودة الشغل هيتم اضافة الفلوس فس حساب الموقع في انتظار الدفع.
16-اي مبلغ تم مراجعته موجود في حسابك يوم الاثنين هيتم سداده على حساب بايبال الخاص بيك يوم الجمعة من نفس الأسبوع.
--------------------------------------
تنبيهات:
1- ده مش موقع سبوبة- الناس دي هتعلمك مهارات - لو تمكنت من هذه المهارات هيبقى ليك قيمة مهمة عندهم و هيزيد دخلك جداً .. في واحد اعرفه بيعمل من 600 دولار ل 800 دولار شهرياً .. لكن بيشتغل كل يوم .. و بذمة مش تقضية وقت.
2-اهتم بجودة التسليم ... اهتم بالتفاصيل ... الاستعجال و الاستهتار هيخليك تدخل بيانات غلط .. و ده هيقلل تقييم ادائك في الموقع .. و لو ادائك انخفض بيقفلوا الحساب بدون رجوع.
3- العائد الكبير في الموقع بيتحقق بثلاثة طريق... التقدم في المستوى لحد ما تبقى مراجع تراجع ادخالات الاعضاء التانيين .. او احتراف كورس اسمه Lidar ده تقيل شوية و عايز تركيز .. لكن العائد بتاعه جيد جداً.
4- في الاول - اجرك في الساعة ممكن يكون 2 او 3 دولار .. لكن مع زيادة خبرتك و انتهائك من الكورسات الموجودة .. هيجيلك مهام الساعة فيها ممكن توصل ل 60 دولار.
5-لو اشتركت من الرابط بتاعنا
http://bit.ly/2EglaoL
هيكون قدامك اسبوعين تحقق فيهم اول 10 دولار .. لو قدرت تعمل كده في اسبوعين هيجيلك 10 دولار بونص .. و احنا كمان معاك .. ده هيحصل فقط في حال الوصول الى 10 دولار في اول اسبوعين. المبلغ سهل تعمله في ايام لو هتشتغل بجد و بشوية تفرغ.
6- احنا جربنا الموقع عشان نتاكد من المصداقية .. لكن بالامانة ماملناش عشان هو عايز تركيز .. لكن لو في حاجة واقفة معاك في اللغة او في الكورسات .. خد سكرين شوت و حطها في جروب الدعم اللي احنا عملنا .. عشان يمكن احنا او اي حد تاني يقدر يساعدك و يبقى كله لوجه الله و معونة على الرزق.
7-المواقع اللي زي دي بتبقى مفتوحة لحساب شركات عايزة تلم بيانات او عايزة شغل كثير من ناس كثير بدون الاضاطرار لتعيين موظفين .. ودي بتقى فرصه كويسة. اي فرص مشابهه هنلاقيها و نجرها و نحطها على جروب الدعم.
8- الموقع ده ممكن يكون فرصه لحد محتاج شغل اضافي في وقت فراغه او عايز يعمل قرشين زيادة .. او عايز تفرغ و يعمل دخل ... اعمل شير و منشن للي شايف انه ممكن يدوس في حاجة زي كده.
-------------------------
رابط الموقع تاني :
http://bit.ly/2EglaoL
--------------------------
مع خالص التمنيات بالتوفيق

#العمل_على_الانترنت
#ادخال_بيانات
#الربح_من_الانترنت